千字文反击韩君婷逼迁论蔡国威嬲爆问心无愧

　　千字文反击韩君婷逼迁论蔡国威嬲爆：问心无愧
　　前亚姐冠军韩君婷日前爆出因欠债40万元，早前申请破产。韩君婷接受访问称过去2年陷经济困难，因为之前要负担患癌母亲的医疗费用，母亲身故后又失业。好友蔡国威知道她的困难，两年前邀请韩君婷一起生活，减轻她的生活负担。韩君婷当时向记者称赞蔡国威是有情有义的朋友，感谢对方近两年的照顾。
　　近日韩君婷突然搬离蔡国威住所，有指蔡国威逼迁故韩君婷要搬去住劏房。韩君婷回应传媒指申请破产曝光后，蔡国威问她：你究竟几时搬走？她实在住不下去，同时她澄清两人同居时自己不是白食白住，她有畀4位数字金额家用，亦分担家务。她亦unfollow蔡国威的社交平台又铲走两人的合照，一刀两断。
　　蔡国威在今日凌晨时分亲撰QA千字文，以自问自答方式，尽诉冤屈，以正视听，逐点反击韩君婷的说法。
　　蔡国威发誓从来冇迫韩君婷搬走，对方口中的4位数字家用其实是1千元，更心痛对方不脚踏实地。他说：我问心无愧！由最初，我只系本着一心帮助好朋友，希望可以渡过难关，一直回答传媒都相当保护，但竟然换来今日呢个对待，咁我亦必须讲出事实嘅真相！最后我要讲一句，虽然我唔系咩富有人家，能力所及，可以帮，我都尽量帮，唔系需要你歌功颂德，但点解要以怨报德？？坦言已仁至义尽的他更转发一幅金句图：你对人再真，总有人不领情，你对人再好，也有人不感恩。
　　Q1：呢7个字你究竟几时搬走？
　　A：我可以对灯火发誓，完全冇讲过，当日系韩小姐自己亲口同我讲话搵到理想职业，可以养到自己，然后早一晚同我讲：听朝11点我会搬走，多谢。
　　Q2：有畀4位数字家用？
　　A：一直以来我回答传媒，我可以重申一次，由第一日佢搬来同我住，我已经同佢讲，我供楼，水电煤各方面嘅开支都唔需要佢畀，我仲要因为咁每月额外租咗迷你仓，将屋企杂物搬过去，令到空间可以多啲，每个月佢会放低1千蚊畀我，有时多伍百（元），唔系我要求嘅，系佢自己当系补贴吓一啲杂费，咁你摆低我咪收，就算六合彩停（暂停搅珠）期间，我自己屋企所有开支都应付自如，我根本毋须要挨面包。
　　Q3：韩小姐话不想被抹黑，唔可以再讲大话包容我，唔想（为咗）保护我自尊，伤害到自己而爆出真相？认清我真面目，唔使瞓梳化？？
　　A：自从佢申请破产新闻（刊出）以来，我回答传媒都系祝福，尽量唔讲出真相，何来抹黑？？一个人牺牲自己私人空间，无条件畀你住两年，我一开始仲话畀房你瞓，你自己话瞓厅都得，你自己唔长进唔脚踏实地，自己坚持辞职赖疫情，我做朋友都仁至义尽，原来呢个真面目系你唔想见到嘅。
　　Q4：unfollowIG？
　　我完全无做任何动作，我一直唔会做埋啲咁小学鸡嘅嘢，亦唔会成日check住边个unfollow（取消关注）我或我要去unfriend（删除好友）人。
　　转自看港剧