自揭散拖情史！193我是一个好废的人，竟然有人钟意

　　参加《全民造星》入行的ERROR成员193郭嘉骏，因为敢言寸爆TVB，所以人气急升，IGfollowers由8万几，在个多月内，急升去到超过31万。
　　在喜欢畀面派对的娱乐圈，突然如国王的新衣中的男孩说真话，赢尽民心。
　　但他绝非骄傲自大，刚刚相反，其实有少许自卑；同时懂得感恩，尤其是对Fans。
　　七师传（七仙羽）讲呢个世界冇无缘无故慨爱，其实有慨，我慨Fans就系呢啲人，我见到渠哋都好感动。顶，做访问都喊添！193流着泪说。
　　平日说话不矫饰，原来情感流露也直接，31岁的童颜大男孩，知渠乜嘢料啦！
　　193转数快，说话也快，做访问伶牙俐齿，挥洒自如。不过，说到Fans时，他突然语塞，眼睛红了，一开口便缺堤泪涌。
　　我唔知点解渠哋会支持我！由《全民造星》开始，我系一个好废慨人，咩嘢都唔识，但竟然有人钟意我。我好奇怪点解会有人举牌，你系咪黐线，呢条友唔识得唱歌跳舞，个个话渠系废柴。直至第一次出席一个牛仔裤品牌活动，发现有好多fans，点解渠哋会钟意一个咩嘢都唔识慨人，觉得好神奇。到我生日慨时候，整咗个地铁站广告牌畀我。我都想同七师傅讲番，呢个世界系有无缘无故慨爱。他眼泪涟涟地说。
　　抹掉眼泪，他哽咽补充：当时我觉得好丑慨未说完一句，他又忍不住落泪，顿一顿说：Fans同其他人讲193系自己偶像，唔系一件好光采慨事，当时慨193咩嘢都唔识，如果同朋友讲都会笑渠。如果话自己偶像系姜涛，其他人都会认同你，因为姜涛咁charm，唱歌跳舞咁叻，其实都好正常，但我点同朋友讲，自己偶像系193，渠咩嘢都唔识！
　　对于Fans的爱，他觉得无以为报，只能尽量满足她们所求。
　　我系一个有求必应慨黄大仙，其实觉得自己好黐线，有时候会谂自己系咪唔应该咁样做，经理人都劝我好多次，例如fans想影相同签名我都会做足，即使瞓少啲都会满足渠哋要求，因为我觉得渠哋真系好支持我。我经常提醒自己，点样可以报答渠哋，就系更努力，要做到好成绩畀佢哋。每次我尽咗力去做某件事，例如演戏、做好综艺节目同主持工作，渠哋见到会好开心，呢个就系我唯一可以报答渠哋慨事
　　初入Viu时，他试过几个月没工作，现在人气急升，工作一项接一项，令他非常开心。
　　依家真系多咗工作，好感恩多咗人认识我同ERROR。生活上慨改变就系好忙，一直都话好想试吓有几忙，但原来真系几忙，而唔系净系拍节目嗰种忙。同埋都真系多咗人认识，如果喺街上停低同人合照，其他人见到就会冲埋嚟排队，都真系多咗好多人认识，感觉到终于似番一个艺人，唔系KOL嗰种。
　　有人喜欢他敢言，但亦有人不喜欢他的辛辣；爱他不爱他，没有中间线。
　　其实所有inbox留言我都会睇晒，当然有好多人支持，话我讲出真话，不过间中都有人会闹。我好钟意回覆闹我慨留言，例如用粗口闹我慨，我会话喺九展等你，经常会喺度返工，然后对方就唔会覆我，我好钟意回覆呢啲留言。擒日先至回覆一位，佢话我够胆闹隔篱台，未死过呀？系咪想我打镬你？然后我话好呀，经常喺九展，可以嚟搵我，不过之后渠又唔回覆我。有好多网民只系得个讲字，唔够胆行动，全部都系键盘战士。
　　现在他从容面对批评，但初入行时，对网民在facebook和连登的留言十分在意，所有留言都会睇晒，然后好紧张、好介怀，直情想开个新帐户去回覆。但发觉其实只系好少撮慨人，嗰啲人讲慨说话好废，纯粹睇你表面就评论你。啲人最钟意讲慨系，话193好废，唔识唱歌跳舞，啲人眼光原来咁窄，觉得你唔识唱歌跳舞就叫做废，有冇留意过我背后慨付出？好肤浅，所以就心谂唔需要同呢啲无脑慨人斤斤计较。有脑慨人都会知道我做紧咩，开始慢慢睇化，然后发觉愈多人认识慨时候，就会有愈多人批评你。
　　之前拍《最后一届口罩小姐选举》，他甚至教组员不要看睇留言，如果睇的话，要学懂消化，因为好多人只会不断攻击，例如话你样衰，咁我可以点样，因为系天生慨，唔通去整容？我以前有睇讨论区留言慨时候，有啲人会提供改进方法，例如建议我跳舞可以用力啲，话依家跳得好样衰，我会接受呢啲批评。
　　其实193自小已经想入行，中学时想过参加《Yes！》校花校草选举，不过当时冇呢份勇气，会怕丑，觉得如果输咗就好样衰，担心同学会取笑，所以最后都系冇参加。最终隔篱班有同学参加咗，然后攞到冠军，不过渠绝对唔靓仔。（叫咩名？）我话咗唔靓仔，你仲问我咩嘢名？黐线咩！渠叫周天保。据悉周天保曾闯娱圈，可惜并不成功。
　　在英国读大学时主修心理学，更在当地读时装课程，毕业回港先后在连卡佛和IT做过时装买手，期间曾投考无线艺训班。
　　参加《全民造星》之前做时装工作，当时都有报考隔篱台慨训练班，有网友话我被发现呢单料，但其实系我自己讲出嚟，我的确系有参加过，而当时有一件事好厉害慨系，我演技好好，为咗悭假期唔请假，我扮病，上昼返咗两个钟左右就扮病，仲要扮到面青口唇白。然后上司话我嘴唇都白晒，叫我快啲走，渠直情赶我走，然后我即刻去咗将军澳。不过，最终都冇成功被取录。
　　参加《造星》时，他觉得自己唔再年轻，已经二十八岁。如果二十八岁都唔尝试的话，其实呢一世应该都唔会再试，可能去到五、六十岁慨时候，会同番自己个仔讲，好后悔当时无参加，然后唯有鼓励个仔去做，因为自己已经做唔到。我唔想畀自己后悔，所以咩嘢都尝试一下，失败的话就做番时装，如果成功的话，可能就系另一个人生，好似依家咁样，真系完全唔同晒。
　　被问到没被TVB取录，如今看来是否执一身彩，他客气的说：又冇话庆唔庆幸慨，大家都唔知未来慨事，我参加艺员训练班慨时候，ViuTV好似仲未有。当时叫做系无得拣，如果想加入电视台的话，都系只有TVB，所以就尝试吓。
　　签约Viu后，他曾经入不敷出，好彩一向有储蓄，同埋读书或者工作期间，都有做啲时装炒卖生意，我会买入一啲香港冇慨牌子，然后转售。例如有啲俄罗斯或者瑞典慨品牌，我觉得几靓，因为香港未有代理，所以就会买返嚟转售，有时放到内地网发售，生意会更好。当时做呢啲炒卖生意系赚到钱，但其实公司都好好，至少会有底薪，数目虽然唔足够生活，但足够生存，嗰笔钱可以足够食饭搭车。
　　入行后有段时间工作不多，他趁空档成立自家品牌卖Tee。
　　直情自己设计、order、寄货，所有客户服务都系自己负责。我会形容自己系想赚尽所有钱，我系比较孤寒慨人，唔想搵人帮手，然后要分一笔钱畀对方。不过依家迫于无奈都要搵人帮手，幕前工作太多，自己搞唔掂。他有点无奈。
　　参赛时，有网民指他迷恋姜涛，他笑嘻嘻金句王上身，连消带打兼暗寸曾声称是姜粉的冯盈盈。
　　我一向都迷恋姜涛，我系姜糖，唔系姜粉，唔会乱话自己系姜粉，我系有follow姜涛，所以先讲得出自己系姜糖。其实唔系迷恋慨，因为我觉得姜涛好有自己慨舞台魅力，渠喺舞台下可能系一个邻家傻更更慨男仔，但上到舞台就会变得好charm，所以我觉得佢好厉害。我系欣赏渠，而唔系迷恋，好欣赏呢个人，因为香港真系唔系好多呢类型歌手。
　　193绝对爱女生，坦言曾不停拍散拖。他外形不错，追女没难度吧？他直言：觉得唔差，但当然唔系去到靓仔，不过算系五官端正，相比身边好多人都唔系五官端正嘛，所以已经系一个优势。当然有好多人比我更靓仔，不过觉得自己五官端正，都算OK慨，唔算系好样衰，正正常常，应该都算OK。
　　小时候拍过好多次拖，我真系唔记得心态系咩，但有段时间真系不停拍拖，一两日散拖又有，都唔知算唔算系拍拖。然后一两星期又有，我已经谂唔起嗰个阶段系为咗咩？拍散拖只系唔识得谂，当时都唔知道乜嘢系拍拖同爱情。到中学最后阶段，已经开始稳定，有时候会拍吓长拖。
　　他最长一段情有三年，是英国的同学。问到可有跟外籍美女相恋？他笑称：冇呀，我只系钟意亚洲面孔。其他人经常会问，喺外国读书，有冇沟过鬼妹？我系绝对冇，可能系觉得渠哋好狂野，自己接受唔到。女友全部都系讲广东话，纯粹唔想讲咁多英文，语言能力有限。同埋喺乡村仔读书，嗰啲日本同韩国女仔都唔系好靓，反而越南嗰啲几靓。
　　谈到跟同台的Dee姐传绯闻，他笑笑口大耍太极说：我同渠绝对系朋友，感情事我唔回应，留番俾经理人回应，因为我都系偶像，呢方面唔可以提。
　　问到觉得她靓唔靓？193非常啜核，竟说：如果我话渠靓，即系话Dee哥靓，但Dee哥真系好丑。呢件事令我谂咗好耐，究竟应该话靓唔靓呢？直至依家都未思考到。有一次拍《ERROR流忍者》，见到阿Dee侧面，觉得点解咁似Isabella（Dee姐），嗰一刻真系觉得好似。不过点都好，我界定唔到靓唔靓。
　　当初被发现去同一间caf打卡，即传挞着，他解释：好朋友嚟慨，其实唔系交唔交心，系去打个咭。呢个系广告策略，如果我慨IG有好多广告，其他人会觉得你唔够亲民，然后会unfollow你，所以要贴番啲生活照。然后要拍咩生活照？就系去饮吓咖啡，喺海边突然回头一望，嗰啲就系生活照，令IG感觉冇咁广告，呢个纯粹系民意调查结果，所以大家系朋友。
　　谈到择偶条件，他说：合眼缘就一齐，我有开心事可以分享畀佢，然后我唔开心渠又可以帮我分担，最紧要大家投契，其实冇咩择偶标准条件，或者系咪需要拍好长时间。我绝对相信两个人如果情投意合，互相适合对方，好自然一定会维系好耐。
　　事业有突破，广告不绝，193坦言想买楼，交租就等于帮人供楼，虽然我唔系冇能力畀首期，有啲只需要一成首期。问题系我觉得楼市会跌，但等咗好多年都完全冇跌过，好离谱。少爷占经常叫我一定要买楼，已经提过几次，赚到钱就一定要买楼，渠喺呢方面的确系一个榜样，我就知道呢方面原来系咁紧要，或者之后会帮我悭番好多生活费，所以呢个系我慨目标，希望可以尽快买楼。
　　由于他是时装狂迷，家中放满潮牌，连厨房也放满衣物。如果不买楼，可能会用晒嚟买衫？
　　依家唔会，因为入行之后开始知道，买咁贵一件衫，其实着一两次已经俾人认得，其他人会话你经常着同一件衫，所以依家开始好少买衫，除非我嗰件衫好靓，需要收藏，然后先至会买。依家多数会着赞助慨衫，或者帮衬连锁服装店，例如U记慨净色衫，其他人唔会认得你着过几多次，售价又平。
　　以前他狂买衫，历年花费不少，投资喺时装上慨钱真系好多，一啲旧衫我唔舍得掉，因为买入慨时候好贵，不过依家又唔会着，有啲鞋都好贵，已经烂晒都唔舍得掉，因为觉得好有纪念价值，系陪伴我成长慨回忆。不过都真系用咗好多钱，计唔到几多钱，但的确好多钱。绝对需要搬大屋，唔一定系大屋，但至少要有一间房畀我摆衫同鞋。依家间屋绝对唔够放，我谂紧系咪应该租一个迷你仓，或者一间新屋。
　　成为人气王，相信他很快实现置业梦。