徐锦江仔仔子承父业，艺术、演戏双线发展！第一次拍戏就赤膊上阵

　　大家熟悉嘅港星
　　仔仔女女都长大成人啦
　　部分“星二代”
　　选择进军内地娱乐圈
　　比如洪欣嘅仔仔张镐濂
　　近排从上戏毕业、正式出道
　　后日即将上映嘅
　　电影《封神第一部》中
　　我哋又见到咗另一个“星二代”啵
　　徐锦江嘅仔仔徐菲
　　徐锦江喺娱乐圈中
　　做戏、做人嘅口碑都唔错
　　平时都好锡老婆同仔仔
　　喺今年嘅父亲节
　　佢同仔仔一齐出镜拍写真
　　相中可以睇出
　　徐菲完全继承咗爸爸
　　高大威猛嘅优良基因
　　而徐菲喺事业方面
　　可以话係子承父业
　　样样都跟住爸爸学嘢
　　大家可能唔知道
　　徐锦江毕业于广州美术学院
　　仲係岭南派大师
　　关山月嘅关门弟子
　　慢慢淡出娱乐圈后
　　佢又去返做艺术家
　　喺北京办过画展
　　早几年仲成立咗
　　徐锦江艺术中心
　　旨在帮助青年艺术家
　　而仔仔徐菲亦都
　　设立咗个《菲戈速写》栏目
　　带大家走近艺术家们
　　喺演艺界
　　徐锦江早年就出演过好多
　　深入人心嘅霸气角色
　　比如2011版《西游记》中嘅沙僧
　　《倚天屠龙记》中嘅金毛狮王
　　而佢最经典嘅角色肯定係
　　星爷嘅《鹿鼎记》中嘅反派鳌拜
　　《九品芝麻官》中嘅高手猛男雷豹
　　白发红帽嘅影响
　　俾网友笑佢係“圣诞老人”
　　而徐菲参演嘅第一部戏
　　同样係演一位叫钟志明嘅“大只佬”
　　作为百夫长嘅战士之一
　　虽然唔係非常重要嘅角色
　　但啱出道就有机会加入
　　咁大制作嘅电影
　　都算係一次唔错嘅机会啦
　　睇到电影就快上映
　　爸爸徐锦江非常自豪
　　连发两条推文
　　晒仔仔嘅海报、剧照
　　相中徐菲赤膊上阵
　　练到肌肉线条好靓仔
　　身材一啲都不输俾爸爸
　　徐锦江仲透露
　　仔仔入选电影相当唔容易噶
　　当时未满18岁嘅徐菲
　　去到“封神”训练营训练
　　仲要喺1。5万名优秀演员中
　　竞争出演机会
　　有网友叫徐锦江出镜
　　展示一下健壮体魄
　　但徐老师表示
　　“长江后浪推前浪”
　　睇来佢都谂住”退位“
　　全力支持仔仔嘅事业啦
　　其实，早在几年前
　　徐菲陪住徐锦江
　　上过亲子综艺《一路成年》
　　大家对徐菲就有印象了
　　节目中徐锦江嘅表现
　　就同佢啲反派猛男形象
　　截然不同
　　仲俾梁家辉叫佢“小绵羊”
　　做爸爸嘅徐锦江
　　好似个“巨婴”咁
　　成日要仔仔徐菲照顾佢
　　父子角色好似完全调转咗
　　而喺呢次嘅电影里面
　　徐菲将会从小暖男变身
　　成为“一夫当关，万夫莫开”嘅战士
　　我哋一齐期待下少年嘅成长啦！
　　资料来源：微博、剧照等
　　网络综合整理
　　编辑：黄译萱
　　审核：曾敏妍
　　签发：骆苹
　　扫描下方二维码订阅
　　【微店】可乐生活小店
　　【淘宝】羊晚生活馆
　　【邮政】中国邮政微邮局
　　一次过get可乐报详细内容
　　羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！
　　官方微信号：靓仔可乐君（handsomecolor）